Vitamien C is ‘n wateroplosbare vitamien, wat beteken dat ons liggame dit nie kan stoor nie. Ons moet dus ons vitamien C uit kos of aanvullings kry.
Studies dui daarop dat vitamien C kan help om jou are teen skade te beskerm deur die progressie van aterosklerose te stuit.
Bevolkingsgebaseerde studies dui daarop dat mense op ‘n dieet ryk aan antioksidante, insluitend vitamien C, ‘n laer risiko vir hoë bloeddruk het in vergelyking met mense op ‘n minder gesonde dieet.
Baie mense glo dat vitamien C verkoue kan genees, maar studies wys dat as jy gereeld vitamien C inkry (nie net as jy begin verkoue kry nie), jy ‘n verkoue met een dag kan verkort.
Osteoartritis veroorsaak dat wrywing mettertyd die kraakbeen in jou gewrigte vernietig. Jou liggaam het Vitamien C nodig om kollageen te skep, wat in kraakbeen voorkom, en dit werk as ‘n antioksidant om skade deur vrye radikale te keer. Daar is bewyse dat daar ‘n kleiner kans is dat mense wat gereeld vitamien C inkry, met artritis gediagnoseer sal word.
Vitamien C (500mg), saam met ander antioksidante soos vitamien E (400IU), sink (80mg) en betakaroteen (15mg), beskerm jou oë teen OMD. Ouderdomverwante makulêre degenerasie is die hoofoorsaak van wetlik erkende blindheid in Suid-Afrikaners ouer as 65, volgens die Oogsorgsentrum in Johannesburg.
Kos kan ‘n uitstekende bron van vitamien C wees. Die volgende vrugte en groente behoort in jou dieet te wees.
Vitamien C is sensitief vir lig, lug en hitte, so probeer soveel moontlik van die vrugte en groente wat hierbo gelys word, rou of net effens gaar eet.
Sink is ‘n noodsaaklike voedingstof vir ons gesondheid. Dit is ‘n natuurlike element wat in alle plante en diere voorkom en speel ‘n integrale rol in die gesondheid van ons vel, hare, tande, bene, senuwees en breinfunksie.
‘n Gesonde sinkvlak maak dit moontlik vir genoeg voorloperhormone om uit die brein vrygestel te word sodat testosteroon geproduseer kan word. Sink keer ook dat testosteroon afgebreek word en oortollige estrogeen produseer.
Sink is ‘n komponent in timiese hormone wat die ontwikkeling aanhelp van limfosoïete, oftewel witbloedselle wat infeksies beveg.
Sink het antivirale en sametrekkende eienskappe wat verkoue tot 50% gouer kan laat genees.
Sink is in die veselstelsel van die brein se hippokampus. Hierdie vesels speel ‘n belangrike rol in ons denke en geheue.
Sinkgebaseerde salf behandel luieruitslag, gebarste lippe en ‘n jeukerige vel. Binne die liggaam stimuleer sink seldeling, genesing en bindweefselvorming en help dit om vitamien A vanaf die lewer na die vel te vervoer om die vel te beskerm en herstel.
Sink speel ‘n belangrike rol in selproduksie. Daarom is dit noodsaaklik vir ‘n baba se groei en ontwikkeling. Wat meer is, sink verbeter manlike vrugbaarheid deur die hoeveelheid en beweeglikheid van sperm te verhoog.
Voorbeelde van sinkryke voedselsoorte is:
Kenmerke van ‘n sinktekort
MedSeker verstaan die unieke waardes, kultuur en behoeftes van Afrikaanse gesinne. Daarom het ons bekostigbare, betroubare medieseversekeringplanne vir die Afrikaanssprekende gemeenskap ontwerp – wat vir jou gemoedsrus gee wanneer dit regtig saak maak.
Of jy nou ‘n hardwerkende individu of ‘n groeiende gesin is, as jy gebalanseerde dekking soek, praat met MedSeker vir opsies wat jou leefstyl, jou begroting en jou taal respekteer.
Besoek ons op Facebook.
