Deesdae is ‘n mediesehulpfonds ‘n luukse wat slegs die rykes kan bekostig. Sedert mediese versekering op die toneel verskyn het, is die publiek se eerste vraag: Wat is die verskil tussen ‘n mediesehulpfonds en mediese versekering?

Wanneer jy vir ‘n bekostigbare mediesehulpfonds soek, sal jy baie verskillende opsies teëkom, elk met sy eie voor- en nadele. Die meeste mense wil die goedkoopste mediesefondstariewe met die wydste dekking hê. Maar mediesefondsplanne wat jou ten volle dek, is gewoonlik baie duur. Dan is daar die kwessie van gapingdekking, wat die tekorte dek waarvoor mediesehulpfondse nie sorg nie.

‘n Mediesehulpfonds, wat deur die Wet op Mediese Skemas gereël word, bied jou basies die volgende:

• Dit betaal hospitaalvoordele ooreenkomstig die nasionale aanbevole pryslys, met voordeelbeperkings volgens die plan.
• Dekking word op tariefkodes en prosedures gebaseer.
• Daar is dikwels ‘n tekort as gevolg van die verskil tussen die nasionale aanbevole pryslys en die Suid-Afrikaanse Mediese Vereniging se tariewe wat gesondheidsorgpersoneel hef.
• Dit moet, volgens die wet, voorgeskrewe minimum voordele dek.
• Dit het gespesifiseerde jaarlikse limiete vir prosedures, en gesondheidsvoorvalle hoef nie spesifiek beskryf te word nie.
• Dit sluit geen persoonlike dekking vir ongeskiktheid as gevolg van ongelukke of die verlies van ledemate in nie.
• Dit is nie gemagtig om dekking vir sterftes en/of begrafnisse as deel van die mediesehulpskema in te sluit nie.